Vefir Árborgar í hendur Endor – Vefþjónustunnar

Sveitarfélagið Árborg og Endor – Vefþjónustan hafa gert með sér samkomulag um að Endor forriti og setji upp vefsvæði sveitarfélagsins í WordPress vefumsjónarkerfinu ásamt því að sjá um viðhald og uppfærslur á þeim vefþjóni sem allar vefsíðurnar eru hýstar á.  Með því að flytja vefi sína yfir í WordPress hefur Árborg nú lækkað rekstrarkostnað umtalsvert frá því sem áður var. Þjónustusamningurinn nær til allra vefsvæða sveitarfélagsins en nýverið fór vefur Bókasafns Árborgar í loftið, http://bokasafn.arborg.is/. Á næstu misserum munu aðrir vefir sveitarfélagsins fylgja í kjölfarið og færast yfir í WordPress vefumsjónarkerfið.  Það var auglýsingastofan Hvíta húsið sem hannaði útlitið af vefsíðum Árborgar.

„Með þessum samningi erum við að ná fram mikilli hagræðingu í rekstri á okkar vefsvæðum og erum við hæst ánægð með samstarfið við Endor,“ segir Ásta Stefánsdóttir, framkvæmdastjóri Árborgar.

Endor – Vefþjónustan er sunnlenskt hugbúnaðarfyrirtæki sem þjónustar ýmis fyrirtæki og einstaklinga á Suðurlandi og víðar. Fyrirtækið byggir vöruframboð sitt og þjónustu á opna hugbúnaðinum WordPress sem nýtur sífellt meiri vinsælda. Nánari upplýsingar um Endor má finna á http://www.endor.is.

FLEIRI FRÉTTIR OG GREINAR

LEIT